“Кеше булһын затығыҙ”

Яңы Ҡыйышҡы ауылында “Кеше булһын затығыҙ” тип аталған сара үтте бөгөн. Унда беҙгә лә ҡатнашырға насип булды.
Байрамға килгән хөрмәтле ҡунаҡтарҙы йыр-бейеү, милли ризыҡтар менән ҡаршы алынды.
Ауыл клубы фойеһында төрлө тематикаға арналған матур, бай күргәҙмәләр әҙерләнгән ине. Моделле китапхана менән берлектә ауылдаштарыбыҙ , шағирәләребеҙ Рәмзәнә Абуталипова һәм Фирүзә Абдуллинаның ижадтары, уңыштары менән таныштырыусы күргәҙмә әҙерләнек.
Артабан сәхнәлә “Айыҡ ауыл” республика конкурсында ҡатнашыусы Үтәгән ауылы әүҙемдәрен тәбрикләү сараһы һәм матур концерт программаһы үтте.